Cerpen Haderi Ideris: Talanjur Sayang

07.47 Zian 0 Comments

Aluh Katinting hidup berumah tangga dengan Utuh Keriting cukup bahagia, namun yang jadi persoalan Ia merasa tertipu, ternyata suaminya Utuh Keriting tidaklah seperti yang ia harapkan, suami yang bisa membimbingnya ilmu agama tinggal harapan, ia kecewa, namun sudah terlanjur sayang.
Begitu pula ayahnya sangat menyayangkan, tapi nasi sudah jadi bubur, terima apa adanya. Harapannya, kalau ia nanti sudah tidak ada, ada yang menggantikannya sebagai imam, ih ternyata Utuh Keriting, nyalinya aja yang besar dan berhasil menipu H. Adul. Tidaklah bisa diharapkan jangankan jadi Imam, sembahyang pun ternyata tidak bisa.
“Ka, sempian tu kada talihat sembahyang, ulun supan, jadi sambatan orang, Abah adalah imam di Langgar, tapi binantunya kada talihat sambahyang bajamaah”, ucap Aluh suatu ketika.
“Aku kada bisa sambahyang dingai”. Ujar Utuh Keriting manyahuti Bininya.
“Kaya ini ja Kaai, supaya jangan manyupanakan abah, pian tu ka langgar haja. Turuti ja apa nang digawi abah, sambahyang tu nyaman haja”. Ujar Aluh manyaranakan lawan lakinya.

“Oke lah kalau begitu” Jar Utuh Keriting menyahuti bininya.
‘Waktu parakdah magrib, sadangai Kaai pian basiap-basiap, tu abah sudah tulak ka langgar”. Ujar Aluh menyuruh lakinya.
Imbah mandi, Utuh Keriting basiap-siap, mamasang tapih ja nang bini nang manapihi, kemudian mamuruk baju taluk balanga, pasang kupiah, limbah sudah rapi Utuh Keriting langsung berangkat ka langgar.
Pas sampai di Langgar, ia malihat Bintuhanya baroko, Utuh ingat pesan bininya, inya ambilai jua roko Ji Sam Soe yang ada di kantongnya, lalu ia menitis korek api dan manyalai rokok nang sudah diambilnya sabilah. Lalu ia isap, pas sampai saparu, rupanya orang sudah qamat tanda sembahyang akan dilaksanakan.
Abah bintuhanya lalu mamajahi roko sidin, karena sayang, sisanya disulapitakan di telinga. ,malihat bintuhanya maandak roko di talinga, Utuh langsung manuruti gawiyan sidin, inya langsung maandak roko di talinganya nang masih banyala. Rupanya utuh kada taitihi kalau abahnya sebelum maandak di telinga dipajahi sidin dahulu.
“Istau shufufakum rahikumullah, Jar H. Adul, mengingatkan jamaah supaya meluruskan dan merapatakan shaf.
Utuh langsung berdiri di balakang Imam. Waktu sambahyang, rupanya roko utuh yang masih banyala sudah menjalar ka talinga, karana marasa panas, Utuh bagamat maangkat tangannya mangatik roko di talinganya, Tik,, lalu dikatiknya. Sakalinya tabuat di jubah bintuhnya. Roko Ji Sam Soe kuat banyala, karena sidin marasa panas, sidin bahiring kasabalah kanan, Utuh umpat jua bahiring kasabalah kanan. Malihat Imam dan binantu bahiring ka kanan, makmum yang lain umpat jua bahiring ka kanan. Bahiring ka kiri, umpat jua bahiring kakiri. Goyang ne yee.
Sambahyang pun berlanjut, sampai pada sujud, rupanya rokonya sudah pajah. Pas waktu sujud itu kakanakan yang sambahyang di balakang utuh manggawil “Anunya” Utuh. Ingat pasan bininya, tapaksa utuh manggawil “anu” bintuhanya.
Sujud yang kadua kakanakan kada lagi manggawil, tapi langsung mangacak anunya, Utuh pun langsung mangacak ampun bintuhanya. Kasabaran H. Adul sudah habis, karana marasa sakit H. Adul langsung maninjak ka balakang. Utuh kada mangiri kalau bintuhanya maninjak jadi kada sawat mengelak, Plak, kana ka pala Utuh, utuh pun maninjak kabalakang, tapi luput, kakanakannya sudah bukahan kadada lagi, utuh langsung badiri mancarii kakanakan, tapi kada tatamu. Karna kesal, utuh langsung maninjak dauh. Pas dauhnya gugur ka sungai.
Utuh langsung bulik karumah, mancari bininya, pas tatamu langsung Utuh mahampas kupiahnya, lalu baucap “Mun Kaya ini caranya sambahyang basakitan, aku kada lagi pacang ka langgar”.
“Hau, kaina dahulu kaai, napa tadi kisahnya sampai basakitan nag kaya itu”.
Lalu utuh mangisahakan lawan bininya.
“Hahahaha” , Aluh mangalakak tatawa, dalam hati aluh baucap dasar orang kada bailmu, kada kawaai sudah talanjur sayang.
Semoga terhibur, maaf lah bahasanya bacampur bahasa Banjar Amuntai,

Sumber:
https://www.facebook.com/notes/haderi-ideris/talanjur-sayang/381423323812