Cerpen Haderi Ideris: Bacaan Mandi Wajib

07.31 Zian 0 Comments

Kada lawas imbah kajadian sambahyang bajamaah di langgar lawan bintuhanya, nang bulik mahampas kakupiah karana sambahyang basakitan, Utuh Kariting baulah idabul pulang, bahual lawan bininya Aluh katinting.Padahal hanyar sapuluh hari imbah pangantinan.
“Uu, Ka, imbah isya sudah handak balingkarha, kada tahukah malam ini dilanggar kampung sabalah urang paringatan Isra Mi`raj, jamaah langgar kita disaruwani juwa” Jar Aluh Katinting baucap lwan lakinya.
“Ahh, aku kulir dingai”, Utuh Kariting manyahuti bininya sambil manguliat.
“Pian kaai jangan manyupanakan lawan abah. Mun pian kada tulak, Pas ditakuni urang abah mana jurang binantu pian, kaya sidin baulah alasan “. Jar Aluh Katinting mambari pangartian lawan lakinya.
“Jarku kulir tu kulirtu' Pamandiran Utuh Kariting pina manyarik-nyarik, “Aku tahuai dah kisahnya Nabi Isra Mikraj mutan Masjidil Haram ka masjidil aqsha batunggangan Buraq, sampai naik ka langit, batamu lawan para nabi, sampai ka sidratul muntaha, manarima kawajiban sambahyang lima waktu, imbahtu bulik, habis kisah”. Jar utuh Kariting pina pananahunya.

“Kaka, kaka, pian ni pina pananahunya, mun tahu bacaan mandi wajib”, jar aluh manyahuti lakinya banyaring pada biasanya.
“bacaan mandi wajib tu gampang banar, cicibuk, sabun, sampu lawan handuk, Jar Utuh Kariting pina pasti.
“Ngintu kaai, alat sagan kita mandi, lain bacaan mandi wajib”, Jar Aluh “ han ya kalu tadi pina pananahunya kisah isra mikraj sakalinya kada tahu jua bacaan mandi wajib kaya apa pian nih.
Mandangar ucapan bininya Utuh Kariting babangun baduduk di pinggir ranjang, lalu inya mamdahi bininya, tahulah ikam ding, bacaan mandi wajib tu mun aku kaya ini pang nah “ Sih, kusisih, kih kukih, bajauhan kayapak tahi aku handak mandi banyalam”. Caburai lagi aku kasungai.
“Han napa tia jar ulun jua, bacaan mandi wajib tu nang jurang Attahitul mubarakatussalawatuttaiba tulillah, nangitu kaai bacaannya.
“Tapi aku dadangaran ada jua urang mamadahakan dua kunut lain jarmu ngitu” ujar Utuh Kariting indah kalah lalu ja manyalahan lawan bininya.
Aluh Kariting indah kalah, “pukuknya kaai bacaan mandi wajib tu Atahiyatul”
“Kada, dua kunut nag bujur”, Jar utuh Kriting mangancangi bininya,
H. Adul mandangar anak lawan binantunya pina ribut, bakakancangan, pina bahual, sidin mandatangi buhannya, lalu baucap :” Napa nang dihualakan, mambari supan kadangaran urang subalah manyubalah”.
“Kaya ini bahai, jar Aluh “ Ulun tadi manyuruh laki ulun nang mambari muar ini supaya tulak ka urang acara Isra mikratan, tapi sidin ini pina pananahunya, sudah ulun takuni bacaan mandi wajib, kada tahu, jarnya bahai dua kunut, jar ulun attahiyyatul'
“hahaha, dasar bungul badudua, ikam tahulah bacaan mandi wajib tu nang jar urang Baabul Hajji,”
Jar H. Adul, pina musti.
“Hah, Ngintu ka Bah bacaannya” Jar Aluh lawan Utuh tapaumbai.
“hehehe, han kusalahakan ikam managuk ja jua, Kaina nakkai isuk abah malajari nang bujur-bujur, baastilah kita bakitab, jam sambilan sudahnah aku handak tulakkai lagi, ngapa ikam Tuh tulakai kalu”
“Inggih bahai, yu ja pian badahulu.
Semoga tahibur sabarateen Jar urang Kalua. hehehe.

Sumber:
https://www.facebook.com/notes/haderi-ideris/kisah-bahasa-banjar-bacaan-mandi-wajib/382992533812